校園生活
【挑戰自我：萬鈞毅智學生喺大海中學會突破！】
上個月，我哋一班萬鈞毅智同學參加咗「乘風航-伙伴計劃」，一齊經歷咗一場超乎想像嘅海上歷奇！ 由最初上船嘅手忙腳亂，到面對一系列嘅水上歷奇挑戰，大家嘅默契越嚟越好。最令人難忘嘅，一定係挑戰自我嘅「躍下時刻」： 脫下救生衣，直面大海： 喺教練指導下，同學要克服對深海嘅恐懼，跳入水中並游回繩梯。呢一步，大家齊齊跳出自己嘅「舒適圈」！ 高空「空中飛人」： 面對成層樓咁高嘅甲板，話唔驚就假嘅……但見到大膽嘅同學自告奮勇，加上身邊「撐住你」嘅鼓勵聲，最後全體同學竟然一個接一個，成功由最高點一躍而下！學生輔導工作不單止係坐喺房傾偈，更係陪住同學喺挑戰中發現自己嘅強大。睇住大家由猶豫變堅定，呢份突破個人成長嘅勇氣，先係最珍貴嘅航程收穫！
